ໂລກ້າແມ່ນຫຍັງ?
ໂລກ້າ ແມ່ນແອັບພລິເຄຊັນໃຫ້ບໍລິການແທັກຊີອອນລາຍທີ່ເນັ້ນຄວາມທັນສະໄໝ ເປີດໃຫ້ບໍລິການມາແລ້ວຕັ້ງແຕ່ປີ 2018 ເຊິ່ງເປັນບໍລິສັດຂອງຄົນລາວ ແລະ ໄດ້ກາຍບໍລິການທີ່ນັກທ່ອງທ່ຽວ, ແຂກຕ່າງປະເທດ, ສໍານັກຂ່າວຕ່າງໆຈາກພາຍໃນ ແລະ ຕ່າງປະເທດກ່າວເຖິງ ແລະ ແນະນໍາມາຕະຫຼອດ.
ເປັນຫຍັງຕ້ອງໃຊ້ບໍລິການໂລກ້າ?
ໂລກ້າເນັ້ນຄວາມສະດວກສະບາຍໃນການເອີ້ນໃຊ້ບໍລິການແທັກຊີ ບໍ່ວ່າທ່ານຈະຢູ່ໃສ ກໍ່ສາມາດເອີ້ນລົດແທັກຊີຂອງໂລກ້າໃຫ້ມາຮັບທ່ານໄດ້ຕະຫຼອດ 24 ຊົ່ວໂມງ ພຽງແຕ່ເປີດແອັບໂລກ້າຂຶ້ນມາ ແລ້ວກົດເອີ້ນລົດ, ເທົ່ານີ້ ລົດກໍ່ຈະມາຮັບທ່ານທັນທີແບບບໍ່ຕ້ອງລໍຖ້າ.
ໂລກ້າເນັ້ນການບໍລິການທີ່ມີຄວາມປອດໄພ ບໍ່ວ່າທ່ານຈະໃຊ້ບໍລິການໃນຍາມກາງເວັນ ຫລື ກາງຄືນ. ໂລກ້າມີຂັ້ນຕອນການກວດກາປະຫວັດຄົນຂັບທຸກໆຄົນ ຜ່ານການເຊັນຢັ້ງຢືນຈາກບ້ານ, ມີໃບແຈ້ງໂທດ ແລະ ເອກະສານທີ່ສະແດງທີ່ຢູ່ເປັນຫຼັກແຫຼ່ງພ້ອມຄອບຄົວ. ຄົນຂັບທຸກຄົນຈະຕ້ອງສອບເສັງຜ່ານກົດລະບຽບ ແລະ ການທົດລອງຂັບ ຈຶ່ງຈະສາມາດເລີ່ມຂັບໃຫ້ບໍລິການໄດ້. ໂລກ້າມີການລົງສຸ່ມກວດທາດເຫຼົ້າໃນຄົນຂັບ ເພື່ອປ້ອງກັນ ບໍ່ໃຫ້ຄົນຂັບທີ່ດື່ມສິ່ງມຶນເມົາມາຂັບລົດໃຫ້ບໍລິການເປັນອັນຂາດ. ນອກຈາກນັ້ນແລ້ວ, ບໍລິການໂລກ້າຂອງພວກເຮົາ ຍັງມີການຮັບປະກັນທ່ານ ດ້ວຍປະກັນໄພອຸບັດຕິເຫດຕໍ່ຜູ້ໂດຍສານສູງເຖິງ 500ລ້ານກີບຕໍ່ຄັ້ງ.
ໂລກ້າເນັ້ນການບໍລິການທີ່ເປັນທໍາ ແລະ ລາຄາໂປ່ງໃສ, ລະບົບຂອງໂລກ້າຈະເປັນຄົນກໍານົດ ແລະ ຄໍານວນລາຄາ ໂດຍຈະສະແດງໃຫ້ຜູ້ໃຊ້ບໍລິການ ແລະ ຜູ້ໃຫ້ບໍລິການໄດ້ເຫັນພ້ອມກັນທັນທີ ເພື່ອໃຫ້ລູກຄ້າໝັ້ນໃຈໄດ້ວ່າຈະບໍ່ຖືກໂກງລາຄາ. ໂລກ້ານໍາໃຊ້ລະບົບ GPS ທີ່ທັນສະໄໝເພື່ອເປັນມິດເຕີໃນການຕິດຕາມ ແລະ ຄໍານວນໄລຍະທາງ, ເຮັດໃຫ້ການຄໍານວນມີຄວາມແມ້ນຍໍາ ບໍ່ສາມາດປັບແຕ່ງໄດ້ ຄືກັບລະບົບມິດເຕີທົ່ວໄປ.
ລາຄາຂອງໂລກ້າ ເປັນແນວໃດ?
ໂລກ້າ ແບ່ງຄ່າບໍລິການອອກເປັນ 4 ປະເພດລົດ, ໂດຍແຕ່ລະປະເພດລົດຈະມີຫົວໜ່ວຍລາຄາທີ່ແຕກຕ່າງກັນດັ່ງລຸ່ມນີ້:
ລົດໃຫຍ່ທົ່ວໄປ:
ເງິນພື້ນຖານ 8,000ກີບ
+ ໄລຍະທາງ 7,100/ກມ
+ ເວລາ 300/ນາທີ ທີ່ນັ່ງລົດ
+ ປະກັນໄພ 1,500/ຖ້ຽວ
ຕົວຢ່າງ: ເດີນທາງ 3 ກິໂລໃຊ້ເວລາ 10 ນາທີ, ຄ່າບໍລິການແມ່ນ:
8,000 + (7,100 x 3) + (300 x 10) + (1,500) = 33,800ກີບ
ລົດຄິ້ວນ້ອຍ ບໍ່ມີແອ:
ເງິນພື້ນຖານ 7,000ກີບ
+ ໄລຍະທາງ 5,000/ກມ
+ ເວລາ 300/ນາທີ ທີ່ນັ່ງລົດ
+ ປະກັນໄພ 1,500/ຖ້ຽວ
ຕົວຢ່າງ: ເດີນທາງ 3 ກິໂລໃຊ້ເວລາ 10 ນາທີ, ຄ່າບໍລິການແມ່ນ:
= 7,000 + (5,000 x 3) + (300 x 10) + 1,500 = 26,500ກີບ
ລົດພລັສ ລົດເກັງຂະຫນາດໃຫຍ່ນັ່ງຫຼາຍຄົນ:
ເງິນພື້ນຖານ 10,000ກິບ
+ ໄລຍະທາງ 7,800/ກມ
+ ເວລາ 300/ນາທີ ທີ່ນັ່ງລົດ
+ ປະກັນໄພ 1,500/ຖ້ຽວ
ຕົວຢ່າງ: ເດີນທາງ 3 ກິໂລໃຊ້ເວລາ 10 ນາທີ, ຄ່າບໍລິການແມ່ນ:
= 10,000 + (7,800 x 3) + (300 x 10) + 1,500 = 37,900ກີບ
ລົດກະບະ ສໍາລັບນັ່ງຫຼາຍຄົນ ຫລື ໃສ່ເຄື່ອງຈໍານວນຫຼາຍ:
ເງິນພື້ນຖານ 25,000 ກິບ
+ ໄລຍະທາງ 10,000 /ກມ
+ ເວລາ 500 /ນາທີ
+ ປະກັນໄພ 1,500 /ຖ້ຽວ
ຕົວຢ່າງ: ເດີນທາງ 3 ກິໂລໃຊ້ເວລາ 10 ນາທີ, ຄ່າບໍລິການແມ່ນ:
= 25,000 + (10,000 x 3) + (500 x 10) + 1,500 = 61,500ກີບ