LOCA ຍົກລະດັບການປະກັນໄພໃຫ້ບໍລິການຂອງຕົນເອງ ໂດຍຮ່ວມມືຮອບດ້ານກັບ ລ້ານຊ້າງປະກັນໄພ

Share:

LOCA ກຳລັງມຸ່ງໜ້າສ້າງທຸລະກິດໃຫ້ເຕີບໃຫຍ່ໄປອີກກ້າວ ໂດຍການຮ່ວມມືກັບບໍລິສັດປະກັນໄພລະດັບແຖວໜ້າຂອງປະເທດຢ່າງ ລ້ານຊ້າງປະກັນໄພ ເຊິ່ງມີເປົ້າໝາຍເພື່ອຍົກລະດັບການປົກປ້ອງໃນພາກສ່ວນການຂົນສົ່ງໂດຍສານໃຫ້ສູງຂຶ້ນ. ເມື່ອວັນອັງຄານທີ່ຜ່ານມາ (15 ຕຸລາ 2019) ບໍລິການເອີ້ນລົດຮັບສົ່ງຜ່ານແອັບເທິງມືຖື “LOCA” ໄດ້ຮ່ວມເຊັນສັນຍາຮ່ວມມືຮອບດ້ານກັບ ບໍລິສັດ ລ້ານຊ້າງປະກັນໄພ ຈຳກັດ ເຊິ່ງເປັນບໍລິສັດທີ່ໃຫ້ບໍລິການດ້ານປະກັນໄພລະດັບແຖວໜ້າທີ່ມີເຄືອຂ່າຍໃຫ້ບໍລິການໃນທົ່ວປະເທດ. ສຳລັບ LOCA ເຊິ່ງເປັນພາກສ່ວນທຸລະກິດໜຶ່ງທີ່ຂຶ້ນກັບບໍລິສັດ Bizgital ນັ້ນ, ການຮ່ວມມືກັບບໍລິສັດປະກັນໄພດັ່ງກ່າວແມ່ນເປັນໂອກາດທີ່ດີໃນພັດທະນາທຸລະກິດໃຫ້ມີໂສມໜ້າໃໝ່ ຮວມທັງເປັນການຍົກລະດັບການປົກປ້ອງໃນບໍລິການການຂົນສົ່ງໂດຍສານ ແລະ ອຳນວຍຄວາມສະດວກໃຫ້ແກ່ຄົນຂັບ ແລະ ຜູ້ໂດຍສານໃນການຊື້ປະກັນໄພຢ່າງງ່າຍດາຍ.

 

 

ທ່ານ ສຸລິໂຍ ວົງດາລາ ຜູ້ກໍ່ຕັ້ງ LOCA ແລະ ຜູ້ບໍລິຫານຝ່າຍເຕັກໂນໂລຊີຂອງ Bizgital ກ່າວວ່າ ການຮ່ວມມືກັນໃນຄັ້ງນີ້ບໍ່ພຽງແຕ່ເປັນບາດກ້າວທີ່ສຳຄັນໃນການຍົກລະດັບການປົກປ້ອງໃນພາກສ່ວນການຂົນສົ່ງໂດຍສານເທົ່ານັ້ນ ແຕ່ຍັງເປັນໜຶ່ງໃນອີກຫຼາຍໆສິ່ງທີ່ດີ ໂດຍສະເພາະບໍລິສັດສະຕາດອັບຢ່າງ LOCA ທີ່ໄດ້ເຮັດວຽກຮ່ວມກັບບໍລິສັດໃຫຍ່ຄືກັບລ້ານຊ້າງປະກັນໄພ. “ດ້ວຍການລິເລີ່ມທີ່ຍິ່ງໃຫຍ່ຂອງສອງບໍລິສັດນີ້ ພວກເຮົາເຊື່ອເປັນຢ່າງສູງວ່າ ການຮ່ວມມືເພື່ອປະຕິຮູບພາກສ່ວນທຸລະກິດນີ້ໃນອີກຫຼາຍໆດ້ານຈະປາກົດອອກມາໃນໄວໆນີ້.

ດັ່ງທີ່ກ່າວມາກໍຄື ເປົ້າໝາຍ Bizgital ກໍຄຶ ການເປັນຜູ້ນຳດ້ານດິຈິຕອນໃນ ສປປ ລາວ ແລະ ດ້ວຍ LOCA ເຮົາກໍໄດ້ຫັນປ່ຽນຮູບແບບການຄົມມະນາຄົມຂົນສົ່ງໃຫ້ໄປຢູ່ໃນມືຂອງຄົນທົ່ວໄປ ແລະ ເຮັດໃຫ້ບໍລິການດັ່ງກ່າວເປັນບໍລິການທີ່ນຳໃຊ້ງ່າຍ, ປອດໄພ ແລະ ສະດວກ ສຳລັບນັກທ່ອງທ່ຽວ ແລະ ຄົນລາວ”, ທ່ານ ສຸລິໂຍ ວົງດາລາ ກ່າວ. ທ່ານ ໂດ ດາງ ຄາງ ຜູ້ອຳນວຍການໃຫຍ່ບໍລິສັດລ້ານຊ້າງປະກັນໄພກ່າວວ່າ ລ້ານຊ້າງປະກັນໄພ ໄດ້ເຊັນສັນຍາຮ່ວມມືກັບຫຼາຍໆພາກສ່ວນ ແຕ່ LOCA ເປັນໜຶ່ງໃນພາກສ່ວນທີ່ສຳຄັນທີ່ສຸດ ເນື່ອງຈາກນີ້ເປັນຄັ້ງທຳອິດທີ່ພວກເຂົາໄດ້ຮ່ວມເຮັດວຽກກັບທີມບໍລິຫານທີ່ຍັງໜຸ່ມນ້ອຍ ແລະ ກ່ອນໜ້າທີ່ຈະມີການເຊັນສັນຍາກັນ ພວກເຂົາເອງກໍບໍ່ໄດ້ຄຳນຶງເຖິງແຕ່ວ່າ LOCA ຈະນຳເອົາຜົນປະໂຫຍດອັນໃດມາສູ່ຝ່າຍຕົນພຽງຢ່າງດຽວ ແຕ່ຍັງໄດ້ຄຳນຶງເຖິງອະນາຄົດຂອງໄວໜຸ່ມຍຸກໃໝ່ທີ່ຈະກ້າວຕໍ່ໄປໃນພາຍພາກໜ້າ.

 

 

ພ້ອມນີ້ ທ່ານ ສຸລິໂຍຍັງກ່າວຕື່ມວ່າ ການຮ່ວມມືໃນຄັ້ງນີ້ຍັງເປັນພຽງຈຸດເລີ່ມຕົ້ນນ້ອຍໆ ເຊິ່ງຕໍ່ໄປໃນອະນາຄົດຈະມີການຮ່ວມມືດ້ານອື່ນໆຕາມມາອີກຫຼາຍຢ່າງ ແລະ ນອກຈາກຈະປັນການຍົກລະດັບການປະກັນໄພໃນການໃຫ້ບໍລິການຂົນສົ່ງຂອງຕົນເອງແລ້ວ LOCA ຍັງຕ້ອງການເປັນຕົ້ນແບບທີ່ດີແກ່ຂະແໜງການຂົນສົ່ງໂດຍສານໃນລາວ ໃຫ້ຫັນມາໃສ່ໃຈເລື່ອງຂອງປະກັນໄພ ແລະ ຄວາມປອດໄພໃນການໃຫ້ບໍລິການທີ່ຫຼາຍຂຶ້ນ.

ປັດຈຸບັນ LOCA ມີລົດທີ່ໃຫ້ບໍລິການໃນເຄືອຂ່າຍຫຼາຍກວ່າ 300 ຄັນ, ມີຜູ້ໂດຍສານສະໝັກໃຊ້ບໍລິການກວ່າ 16,000 ຄົນ ແລະ ໃນການໃຫ້ບໍລິການຜ່ານມາ ຜູ້ໂດຍສານມີຄວາມເພິ່ງພໍໃຈ 4.87 ຈາກຄະແນນເຕັມ 5. ພ້ອມນີ້ພວກເຂົາຍັງມີແຜນທີ່ຈະຂະຫຍາຍການບໍລິການໃຫ້ກວ້າງ ແລະ ຫຼາກຫຼາຍຂຶ້ນໃນອະນາຄົດອັນໃກ້ນີ້. ສ່ວນລ້ານຊ້າງປະກັນໄພ ເປັນບໍລິສັດປະກັນໄພທີ່ສ້າງຕັ້ງຂຶ້ນເມື່ອປີ 2010 ແລະ ມີການພັດທະນາທີ່ດີຂຶ້ນເລື້ອຍມາ. ໃນປີ 2017 ພວກເຂົາກາຍເປັນ 1 ໃນ 3 ບໍລິສັດທີ່ມີສ່ວນແບ່ງຕະຫຼາດຫຼາຍທີ່ສຸດໃນລາວ. ຫຼ້າສຸດ ມີຕົວແທນຂາຍກວ່າ 300 ຈຸດໃນທົ່ວປະເທດ, 235 ຈຸດໃນທະນາຄານ ແລະ ຜູ້ເຈລະຈາທົດແທນຄ່າເສຍຫາຍ 100 ລາຍໃນ 18 ແຂວງ ຮວມທັງມີການນຳໃຊ້ເຕັກໂນໂລຊີຂໍ້ມູນຂ່າວສານໃນການຂາຍ ແລະ ໃຫ້ບໍລິການຜູ້ຊື້ປະກັນອີກດ້ວຍ.

 

 

Related Posts

Introducing LOCA ADS – The Ads That Get Around

Today LOCA would like to take your OOH advertising to the next level...

 老挝万象市和琅勃拉邦省可以使用LOCA了!LOCA线上叫车,24小时为您服务!

目前,LOCA有400多位司机,且不断增长。LOCA在老挝的车辆最大,服务范围最广。LOCA关注每位客户的行程,公正的价格。我们有系统跟随车辆,您可以放心使用LOCA。LOCA认真检查司机的简历,每次都会严格培训司机使用APP和驾车安全才允许司机接送客户。 LOCA支持多种方式付款,客户可以通过现金,VISA卡和Master卡来付款。另外,LOCA还有LOCA钱包(LOCA WALLET),在BCEL ONE和支付宝充值LOCA钱包,然后就可以进行支付了。   叫车的步骤:通过LOCA线上叫车,简单接送客户到达目的地。   备注:LOCA叫车使用GPS技术计算出总行程的价格。该系统会计算出公平清晰的价格。司机会按照这个价格跟客户收款,不允许司机外收客户的钱,您可以安心使用LOCA。 大家开始认识LOCA了,但可能有一部分人可能对LOCA的服务有怀疑。今天我们来介绍大家怎么用LOCA APP叫车。步骤顺序如下: 一、下载APP。在手机iOS版(Apple Store)在和Android版(Play Store)搜索...