ໂລກ້າ ນໍາສະເໜີບໍລິການ “ໂລກ້າຄິ້ວ” ( LOCA QUTE ) ຈັບມື BAJAJ ແລະ ພົງສະຫວັນ ປະກັນໄພ ເພີ່ມທາງເລືອກໃໝ່ໃນການໂດຍສານ

Share:

ສຳເລັດໄປແລ້ວ ສຳລັບງານເປີດໂຕບໍລິການ ໂລກ້າຄິ້ວ ມີຂຶ້ນໃນຕອນເຊົ້າຂອງ ວັນທີ 26 ມັງກອນ 2021 ທີ່ໂຊຮູມລົດຂອງ ບໍລິສັດ ພຣາຍ ອໍໂຕ (ລາວ) ຈໍາກັດຜູ້ດຽວ ທີ່ນະຄອນຫຼວງວຽງຈັນ.
ໃນພິທີດັ່ງກ່າວ, ທ່ານ ສຸລິໂຍ ວົງດາລາ ຜູ້ອຳນວຍການ ບໍລິສັດ ໂລກ້າ ຈຳກັດ ໄດ້ກ່າວເຖິງຄວາມເປັນມາຂອງໂລກ້າ, ບໍລິການຕ່າງໆຂອງໂລກ້າ ແລະ ນຳສະເໜີເຖິງແຮງບັນດານໃຈໃນການຮ່ວມມືກັນຫວ່າງ ໂລກ້າ (LOCA), ພຣາຍ ອໍໂຕ (ລາວ) (BAJAJ) ແລະ ພົງສະຫວັນ ປະກັນໄພ (APA) ພ້ອມທັງເນັ້ນວ່າ “ຢາກເຫັນຄົນລາວມີບໍລິການຂົນສົ່ງໂດຍສານທີ່ໄດ້ມາດຕະຖານທຽບເທົ່າສາກົນໃນລາຄາທີ່ຄົນລາວສາມາດຈ່າຍໄດ້. ພ້ອມນັ້ນ, ຍັງເນັ້ນໄປທີ່ເລື່ອງຂອງຄວາມປອດໄພເປັນຫຼັກ”.
ເຊິ່ງເປັນທາງເລືອກໃໝ່ໃຫ້ກັບລູກຄ້າທີ່ຕ້ອງການເດີນທາງໄລຍະສັ້ນ ແລະ ໃນຊົ່ວໂມງຮີບດ່ວນ ເນື່ອງຈາກຕົວລົດທີ່ມີຂະໜາດນ້ອຍກວ່າລົດທົ່ວໄປຈຶ່ງສາມາດເດີນທາງໃນຕົວເມືອງໄດ້ຄ່ອງແຄ້ວກວ່າ ແລະ ມີຄ່າບໍລິການທີ່ປະຢັດກວ່າ.
ບໍລິການໃໝ່ນີ້ແມ່ນເພື່ອຕອບສະໜອງໃຫ້ລູກຄ້າມີທາງເລືອກທີ່ຫຼາກຫຼາຍຂຶ້ນໃນການນໍາໃຊ້ບໍລິການຂົນສົ່ງຜູ້ໂດຍສານໃນຕົວເມືອງນະຄອນຫຼວງວຽງຈັນ
ພ້ອມໃຫ້ບໍລິການແລ້ວມື້ນີ້! ດາວໂຫຼດແອັບໄດ້ເລີຍທີ່ https://loca.la/download/
– ຄ່າບໍລິການເລີ່ມຕົ້ນ 7,000 ກີບ, ຫຼັງຈາກນັ້ນ 1 ກິໂລແມັດ 5,000 ກີບ ນາທີລະ 300 ກີບ ເລີ່ມນັບຄ່າບໍລິການສະເພາະທີ່ລູກຄ້າຂຶ້ນລົດໄປແລ້ວເທົ່ານັ້ນ.
– ຄ່າບໍລິການໄລ່ຕໍ່ຖ້ຽວ ນັ່ງໄດ້ 3ຄົນ.
– ນັ່ງລົດໂລກ້າທຸກຖ້ຽວ ມີປະກັນໄພຄຸ້ມຄອງສູງເຖິງ 500ລ້ານກີບ ໂດຍ ພົງສະຫວັນປະກັນໄພ.

Related Posts

Introducing Loca Pickup Truck Service on LOCA platform

September 2nd, 2020, Vientiane, Laos We are excited to announce that, due to...

ປະກັນໄພລົດໃນແອັບໂລກ້າ ໃຫ້ການຄຸ້ມຄອງຫຍັງແນ່?

ໂລກ້າອໍານວຍຄວາມສະດວກໃຫ້ທຸກທ່ານໃນການຊື້ປະກັນໄພງ່າຍໆຜ່ານແອັບໂລກ້າ ປະກັນໄພພາຫະນະ ສໍາລັບຜູ້ທີ່ມີການໃຊ້ພາຫະນະເປັນປະຈໍາ ເພື່ອຫຼຸດຜ່ອນຄວາມສ່ຽງຄ່າໃຊ້ຈ່າຍທີ່ອາດເກີດຂື້ນໄດ້ໃນອຸບັດຕິເຫດທາງລົດ. ການຊື້ປະກັນໄພພາຫະນະໃນແອັບໂລກ້າສາມາດເລືອກຮັບການຄຸ້ມຄອງໃດແດ່? ຄຸ້ມຄອງບຸກຄົນທີ່ສາມ, ຄຸ້ມຄອງຄົນຂັບຂີ່ ແລະ ຄຸ້ມຄອງການຊົດເຊີຍ I. ການຄຸ້ມຄອງບຸກຄົນທີສາມແມ່ນຫຍັງ? – ການຄຸ້ມຄອງຄູ່ກໍລະນີ...