ໂລກ້າ ຈັບມື ບີວາຍດີ ເປີດໂຄງການທົດລອງນຳໃຊ້ລົດໄຟຟ້າໃນບໍລິການແທັກຊີເຈົ້າທໍາອິດຂອງປະເທດລາວ.

Share:

ໂລກ້າ ແລະ ບີວາຍດີ ໄດ້ຮ່ວມມືກັນເປີດໂຕໂຄງການນຳໃຊ້ລົດໄຟຟ້າ ເພື່ອສຶກສາຄົ້ນຄວ້າຫາຄວາມເປັນໄປໄດ້ໃນການນຳເອົາລົດໄຟຟ້າມານຳໃຊ້ໃນການຂົນສົ່ງໂດຍສານຢູ່ປະເທດລາວ. ຈຸດປະສົງຂອງໂຄງການດັ່ັງກ່າວແມ່ນເພື່ອແນໃສ່ການນຳເອົາລົດໄຟຟ້າມາປັບໃຊ້ກັບແທັກຊີຂອງໂລກ້າ ແລະ ການຂົນສົ່ງ, ເພື່ອເປັນການຫຼຸດຕົ້ນທຶນ ແລະ ຜົນກະທົບຕໍ່ສິ່ງແວດລ້ອມໃນໄລຍະຍາວ.

ການຮ່ວມມືຂອງທັງສອງມີເປົ້າໝາຍທີ່ຈະເປັນຜູ້ລິເລີ່ມພັກດັນ ແລະ ເພື່ອສະແດງໃຫ້ຜູ້ສ້າງ ກອບນະໂຍບາຍ ແລະ ໃຫ້ຜູ້ບໍລິໂພກໄດ້ເຫັນວ່າລົດໄຟຟ້ານັ້ນແທດເໝາະກັບຕະຫຼາດບ້ານເຮົາຫຼາຍ ແລະ ຕອບໂຈດດັ່ງວິໄສທັດຂອງປະເທດທີ່ວ່າເປັນແບັດເຕີລີຂອງອາຊຽນ

ໃນໂຄງການດັ່ງກ່າວ, ໂລກ້າຢາກໃຫ້ທຸກຄົນນັ້ນໄດ້ເຫັນວ່າໄລຍະທາງທີ່ລົດໄຟຟ້າສາມາດແລ່ນໄດ້ໃນປັດຈຸບັນ ນັ້ນບໍ່ແມ່ນອຸປະສັກເລີຍ, ນອກນັ້ນຍັງຈະຊ່ວຍໃຫ້ຄົນຂັບບໍລິການແທັກຊີໂລກ້າໄດ້ກຳໄລຫຼາຍຂຶ້ນ ເນື່ອງຈາກຕົ້ນທຶນຂອງລົດໄຟຟ້າຈະຕ່ຳກວ່າລົດທົ່ວໄປທີ່ໃຊ້ນໍ້າມັນ.

ລົດ BYD E2 ເປັນລຸ້ນທີ່ຈະໃຊ້ໃນການທົດລອງນຳໃຊ້ໃນໂຄງການດັ່ງກ່າວ ເຊິ່ງລົດລຸ້ນດັ່ງກ່າວແມ່ນລົດທີ່ມີຂາຍທົ່ວໄປ ລາຄາ 24,900ໂດລາ ສາມາດແລ່ນໄປໄກໄດ້ເຖິງ 305 km ຕໍ່ ການສາກໄຟຄັ້ງໜຶ່ງ ພ້ອມທັງເປັນລົດໄຟຟ້າທີ່ລາຄາເໝາະກັບຕະຫຼາດບ້ານເຮົາທີ່ສຸດໃນຕອນນີ້ ເຊິ່ງທັງສອງບໍລິສັດໄດ້ຈັດໂຄງການນີ້ຂຶ້ນມາພ້ອມກັບນະໂຍບາຍພິເສດຮ່ວມກັນເຊັ່ນ: ຊ່ວຍໃນເລື່ອງການເຂົ້າເຖິງສິນເຊື່ອ, ມີທຶນອຸດໜູນ, ມີສ່ວນຫຼຸດພິເສດ ແລະ ບໍລິການຫຼັງການຂາຍຈາກ ບີວາຍດີ.

ທ່ານ ສຸລິໂຍ ຜູ້ອຳນວຍການບໍລິສັດໂລກ້າໄດ້ກ່າວວ່າ, ຫຼັງຈາກທີ່ໄດ້ນຳໃຊ້ລົດໄຟຟ້າດ້ວຍຕົນເອງ, ເລື່ອງໄລຍະທາງໃນການເດີນທາງກໍບໍ່ມີບັນຫາໃດໆເລີຍ, ເຖິງວ່າ ບ້ານຂອງເພິ່ນຢູ່ແຂວງວຽງຈັນເຊິ່ງຫ່າງຈາກນະຄອນຫຼວງຢູ່ 70 KM. ຕັ້ງແຕ່ໄດ້ຫັນມາໃຊ້ລົດໄຟຟ້າກໍ່ຍັງບໍ່ມີປັນຫາໃນການເດີນທາງໄປມາ.

ທ່ານສຸລິໂຍກໍຍັງໄດ້ໃຫ້ຄຳຄິດເຫັນຕື່ມອີກວ່າ, ຫຼັງຈາກໄດ້ຊື້ລົດໄຟຟ້າມາຂັບເອງ, ກໍບໍ່ຢາກກັບໄປໃຊ້ລົດທີ່ໃສ່ນ້ຳມັນຄືເກົ່າເລີຍ ເພາະລົດໄຟຟ້າຊ່ວຍໃຫ້ປະຢັດຄ່ານ້ຳມັນໄດ້ຫຼາຍ ແລະ ກໍຫວັງວ່າຈະຊ່ວຍປະຢັດເງິນໃຫ້ແກ່ຄົນຂັບແທັກຊີຂອງໂລກ້າທີ່ຈະຫັນມາເປັນລົດໄຟຟ້າ ເພາະລົດລົດ BYD E2 ໃຊ້ເງິນຄ່າໄຟຟ້າປະມານ 45,000ກີບ ໃນການສາກໄຟຈາກ 0-100% (35KWh) ແລະ ສາມາດເດີນທາງໄດ້ 305 ກິໂລແມັດ.

ປະຈຸບັນໂລກ້າໄດ້ກາຍເປັນຜູ້ໃຫ້ບໍລິການຂົນສົ່ງທີ່ໃຫຍ່ທີ່ສຸດຂອງປະເທດລາວເຊິ່ໄດ້ເປີດໃຫ້ບໍລິການແລ້ວຢູ່ 3 ແຂວງຄື: ນະຄອນຫລວງວຽງຈັນ, ນະຄອນຫຼວງພະບາງ ແລະ ແຂວງຈຳປາສັກ. ຫຼ້າສຸດ, ບໍລິສັດໂລກ້າກໍຍັງເປັນບໍລິສັດສະຕາດອັບ ແລະ ທຸລະກິດຂະໜາດນ້ອຍທຳອິດຂອງລາວທີ່ຢູ່ໃນລາຍຊື່ 100 ບໍລິສັດຂອງເອເຊຍທີ່ໜ້າຈັບຕາ.

Related Posts

ວິທີບັນທຶກ ໂລເຄຊັ່ນ ທີ່ຕົນເອງໄປເລື້ອຍໆ ໃນແອັບໂລກ້າ

ຮູ້ລະ ທ່ານສາມາດບັນທຶກສະຖານທີ່ສ່ວນຕົວໄດ້ໃນແອັບໂລກ້າລະເດີ້ ເພື່ອເພີ່ມຄວາມສະດວກສະບາຍໃນການຊອກຫາສະຖານປະຈຳຂອງທ່ານ ພຽງເຮັດຕາມ 2 ຂັ້ນຕອນ ງ່າຍ ງ້າຍ ດັ່ງນີ້.

ໂລກ້າພາໄປ – 5 ຮ້ານເດັດຊົມວິວທ້ອງຟ້າ ວິວງາມບັນຍາກາດດີທີ່ຕ້ອງລອງ!

ໂລກ້າພາໄປ! ຮ້ານທີ່ມີວິວດາດຟ້າ ບັນຍາກາດຕາເວັນຕົກດິນ ຖ້າທ່ານຍັງບໍ່ໄດ້ລອງ 5ຮ້ານນີ້ບໍ່ຄວນພາດ!   1. Tipsy Elephant ຢາກຊວນມາດິນເນີ້ ແລະ ຊິວເທິງດາດຟ້າຊັ້ນ 9...