ອາຊີບໃໝ່ຂອງຄົນຍຸກໃໝ່ ມາຜ່ອນລົດໄຟຟ້າຂັບເປັນແທັກຊີກັບໂລກ້າ ລາຍໄດ້ດີ ມີອິດສະຫຼະ

Share:

ປັດຈຸບັນ, ການທ່ອງທ່ຽວໃນປະເທດລາວນັ້ນ ແມ່ນມີການເຕີບໂຕຢ່າງຕໍ່ເນື່ອງ ອີງຕາມການເປີດປະເທດມາຕັ້ງແຕ່ເດືອນພຶດສະພາມາ ກໍເຫັນໄດ້ວ່າມີນັກທ່ອງທ່ຽວຈາກທົ່ວໂລກໄດ້ຫຼັ່ງໄຫຼເຂົ້າມາທ່ຽວລາວຢ່າງຫຼວງຫຼາຍ. ແນ່ນອນວ່າ ເມື່ອມີນັກທ່ອງທ່ຽວເຂົ້າມາ ການເດີນທາງກໍຖືເປັນສິ່ງສຳຄັນໃນການໄປມາຂອງນັກທ່ອງທ່ຽວທີ່ອາດຈະບໍ່ຄຸ້ນເຄີຍກັບເສັ້ນທາງໃນລາວ.

ນອກຈາກນັກທ່ອງທ່ຽວແລ້ວ ຄົນໃນປະເທດເອງກໍມີການໃຊ້ບໍລິການຂອງໂລກ້າຫຼາຍຂຶ້ນ ເນື່ອງຈາກຄວາມສະດວກສະບາຍ. ສະນັ້ນ, ໂລກ້າຂໍນຳສະເໜີອາຊີບໃໝ່ ຫຼື ການລົງທຶນແບບໃໝ່ທີ່ຈະເຮັດໃຫ້ທ່ານມີລາຍໄດ້ເພີ່ມຂຶ້ນຈາກການເຂົ້າມາຂອງນັກທ່ອງທ່ຽວ ນັ້ນກໍຄືການລົງທຶນໃນລົດແທັກຊີໄຟຟ້າ ເພື່ອຮັບ-ສົ່ງ ແລະ ໃຫ້ບໍລິການການເດີນທາງໃຫ້ກັບບັນດານັກທ່ອງທ່ຽວທັງພາຍໃນ ແລະ ຕ່າງປະເທດ.

ທ່ານບໍ່ຈຳເປັນຕ້ອງລົງທຶນ 100% ໃນຕອນທຳອິດ, ເລີ່ມຕົ້ນຈ່າຍພຽງຈຳນວນໜຶ່ງຂອງລາຄາລົດ ກໍສາມາດຮັບລົດໄຟຟ້າໄປຂັບໄດ້ເລີຍ ເພື່ອຂັບເປັນແທັກຊີຮັບ-ສົ່ງຜູ້ໂດຍສານ ສ້າງລາຍໄດ້ໃຫ້ຕົວເອງ ແລະ ຊ່ວຍຈ່າຍຄ່າຜ່ອນລົດໃນແຕ່ລະເດືອນໄດ້ອີກນຳ. ຍິ່ງທ່ານຂັບຫຼາຍ ກໍຍິ່ງມີລາຍໄດ້ຫຼາຍ ເຮັດໃຫ້ສາມາດຜ່ອນລົດໄດ້ໝົດໄວຂຶ້ນນຳອີກດ້ວຍ.

ແລ້ວເປັນຫຍັງຈຶ່ງຕ້ອງເປັນລົດໄຟຟ້າທີ່ເອົາມາຂັບເປັນແທັກຊີ? ເພາະລົດໄຟຟ້ານັ້ນສາມາດປະຢັດຕົ້ນທຶນຄ່ານ້ຳມັນໃຫ້ທ່ານໄດ້ຫຼາຍເທົ່າ ສາກເທື່ອໜຶ່ງກໍສາມາດແລ່ນລົດໄດ້ກວ່າ 400 ກິໂລແມັດ ໂດຍສາກລົດໃຊ້ເວລາພຽງ 30-40 ນາທີເທົ່ານັ້ນເມື່ອສາກທີ່ຕູ້ສາກໄວຂອງໂລກ້າເອງ ເຮັດໃຫ້ທ່ານປະຢັດເວລາກວ່າສາກຢູ່ບ້ານ ແລະ ສາມາດຮັບລູກຄ້າແທັກຊີຂອງທ່ານໄດ້ຢ່າງຕໍ່ເນື່ອງ.

ປັດຈຸບັນ, ມີຄົນທີ່ນຳເອົາລົດໄຟຟ້າມາຂັບເປັນແທັກຊີກັບໂລກ້າແລ້ວຫຼາຍກວ່າ 15 ຄັນ ເຊິ່ງຜູ້ທີ່ສ້າງລາຍຮັບຫຼາຍສຸດນັ້ນ ສາມາດຫາເງິນໄດ້ເຖິງ 90 ລ້ານກີບພາຍໃນ 3 ເດືອນ ຄິດເປັນ 30 ລ້ານກີບຕໍ່ເດືອນ ຈາກການຂັບແທັກຊີກັບໂລກ້າກວ່າ 10 ຊົ່ວໂມງຕໍ່ມື້ ແຖມຍັງມີຕົ້ນທຶນຄ່າສາກໄຟລົດພຽງ 3 ລ້ານກວ່າກີບເທົ່ານັ້ນ ເຊິ່ງຖ້າເປັນລົດນ້ຳມັນກໍອາດຈະເສຍຄ່ານ້ຳມັນໃນສ່ວນນີ້ກວ່າ 10 ເທົ່າຂອງຄ່າໄຟສາກລົດແນ່ນອນ.

ຖ້າຫາກທ່ານມີໃບຂັບຂີ່, ມີເງິນທຶນຈຳນວນໜຶ່ງ, ກຳລັງຢາກໄດ້ລົດໄຟຟ້າມາຂັບ ແລະ ຢາກສ້າງລາຍໄດ້ໃຫ້ກັບທ່ານ ການເລືອກມາເຊົ່າຊື້ລົດໄຟຟ້າແລ້ວຂັບແທັກຊີກັບໂລກ້າ ກໍຖືເປັນອີກທາງເລືອກໜຶ່ງໃຫ້ກັບທ່ານໃນການສ້າງລາຍໄດ້ ແຖມຍັງໄດ້ລົດເປັນຂອງທ່ານເອງ. ທ່ານຈະເລືອກເຊົ່າມາຂັບເອງ ຫຼື ຈ້າງຄົນມາຂັບໃຫ້ທ່ານແທນກໍໄດ້, ຍິ່ງຂັບຫຼາຍ ທ່ານກໍມີລາຍໄດ້ຫຼາຍ ແລະ ຜ່ອນລົດໃຫ້ໝົດງວດໄວຂຶ້ນ. ຖ້າຫາກມີຄວາມສົນໃຈ ສາມາດສະໝັກເຂົ້າໄດ້ທີ່ເວັບໄຊ້ ແລ້ວຈະມີທີມງານເຮົາຕິດຕໍ່ກັບຫາທ່ານ.

ສົນໃຈສະໝັກລົງທະບຽນໄດ້ທີ່: link.loca.la/ev-leasing
ຂໍ້ມູນເພີ່ມເຕີມ:
📱ເບີWhatsapp 020 57321374
📱ເບີໂທ ແລະ Whatsapp 020 55646807

Related Posts

The 5 must-try places to enjoy the nightlife of Vientiane based on LOCA customers

Vientiane is full of fun and varieties especially the nightlife. Vientiane is one of the...

LOCA ຍົກລະດັບການປະກັນໄພໃຫ້ບໍລິການຂອງຕົນເອງ ໂດຍຮ່ວມມືຮອບດ້ານກັບ ລ້ານຊ້າງປະກັນໄພ

ການຮ່ວມມືໃນຄັ້ງນີ້ຍັງເປັນພຽງຈຸດເລີ່ມຕົ້ນນ້ອຍໆ ເຊິ່ງຕໍ່ໄປໃນອະນາຄົດຈະມີການຮ່ວມມືດ້ານອື່ນໆຕາມມາອີກຫຼາຍຢ່າງ ແລະ ນອກຈາກຈະປັນການຍົກລະດັບການປະກັນໄພໃນການໃຫ້ບໍລິການຂົນສົ່ງຂອງຕົນເອງແລ້ວ LOCA ຍັງຕ້ອງການເປັນຕົ້ນແບບທີ່ດີແກ່ຂະແໜງການຂົນສົ່ງໂດຍສານໃນລາວ ໃຫ້ຫັນມາໃສ່ໃຈເລື່ອງຂອງປະກັນໄພ ແລະ ຄວາມປອດໄພໃນການໃຫ້ບໍລິການທີ່ຫຼາຍຂຶ້ນ.