ໃນໂລກຂອງຄວາມພະຍາຍາມນ້ອຍໆ ສາມາດສ້າງຜົນກະທົບທີ່ຍິ່ງໃຫຍ່ໄດ້ ໂຄງການ “Loca Donation” ໄດ້ຖືກສ້າງຂຶ້ນໂດຍ ບໍລິສັດ ໂລກ້າ ຈຳກັດ ເປັນຕົວຍ່າງທີ່ໂດດເດັ່ນໃນດ້ານການປະສົມປະສານເທັກໂນໂລຢີ ແລະ ຄວາມປາຖະໜາດີເພື່ອສັງຄົມ ໂຄງການ Loca Donation ເປີດໂອກາດໃຫ້ທຸກຄົນປ່ຽນຄະແນນສະສົມໃຫ້ກາຍເປັນການບໍລິຈາກທີ່ມີຄວາມໝາຍ ເພື່ອສະໜັບສະໜູນດ້ານສະຫວັດດີການສັງຄົມ, ສຸຂະພາບ ແລະ ການສຶກສາສຳລັບທຸກຄົນທີ່ຂາດໂອກາດໃນການເຂົ້າເຖິງ
ປ່ຽນຄະແນນສະສົມໃຫ້ການເປັນການຊ່ວຍເຫຼືອທີ່ແທ້ຈິງ
ໂຄງການນີ້ເປີດໂອກາດໃຫ້ຜູ້ໃຊ້ບໍລິການ LOCA TAXI ປ່ຽນຄະແນນສະສົມໃຫ້ກາຍເປັນທຶນບໍລິຈາກ ດ້ວຍຄະແນນສະສົມພຽງ 300 ຄະແນນ ມີຄ່າເຖິງ 25,000ກີບ ເຊິ່ງຈະຖືກນຳໄປສະໜັບສະໜູນໂຄງການສຳຄັນໃນການຊ່ວຍເຫຼືອຜູ້ທີ່ຕ້ອງການຄວາມຊ່ວຍເຫຼືອເຊັ່ນ:
- ເດັກນ້ອຍ-ເຍົາວະຊົນ ທີ່ຂາດໂອກາດທາງການສຶກສາ
- ເດັກນ້ອຍ-ເຍົາວະຊົນ ທີ່ຂາດໂອກາດການເຂົ້າເຖິງການບໍລິການດ້ານສາທາລະນະສຸກພື້ນຖານ
- ມູນນິທິກູ້ຊີບກູ້ໄພທີ່ຍັງຕ້ອງການອຸປະກອນການແພດ ແລະ ເຄື່ອງມືທີ່ໃຊ້ໃນວຽກງານກູ້ຊີບກູ້ໄພ
ນອກຈາກນີ້, ຍັງມີອີກຫຼາຍກຸ່ມທີ່ຈະເພີ່ມເຂົ້າມາໃນອະນາຄົດ ໂດຍໂລກ້າຈະລະດົມທຶນເພື່ອໄປຊ່ວຍເຫຼືອໃນຫຼາຍໆດ້ານທີ່ຈຳເປັນ ເພື່ອສ້າງຜົນກະທົບທາງບວກ ແລະ ຄວາມຍືນຍົງໃຫ້ກັບສັງຄົມ
ກົນໄກງ່າຍໆແຕ່ຊົງພະລັງ
ໂຄງການນີ້ໃຫ້ຄວາມສະດວກສະບາຍໃນການມີສ່ວນຮ່ວມຜູ້ໃຊ້ງານສາມາດບໍລິຈາກຜ່ານຄະແນນສະສົມຈາກການເດີນທາງໃນຊີວິດປະຈຳວັນກັບ LOCA TAXI ໂດຍບໍ່ຕ້ອງໃຊ້ງົບປະມານເພີ່ມຕື່ມ
ເປັນຫຍັງຈຶ່ງຄວນເຂົ້າຮ່ວມໂຄງການໂລກ້າ
- ສະດວກສະບາຍ: ປ່ຽນແປງການເດີນທາງປະຈຳວັນໃຫ້ເປັນການເຮັດຄວາມດີໂດຍການແລກຄະແນນສະສົມ
- ໂປ່ງໃສ: ໝັ້ນໃຈໄດ້ວ່າການບໍລິຈາກຂອງທ່ານເຖິງມືຜູ້ທີ່ຕ້ອງການຢ່າງແທ້ຈິງ ໂດຍໂລກ້າຈະອັບເດດກ່ຽວກັບໂຄງການ ຕັ້ງແຕ່ເລີ່ມໂຄງການຈົນໄປເຖິງມືຜູ້ທີ່ໄດ້ຮັບ ໂດຍທ່ານສາມາດຕິດຕາມຜ່ານແອັບໂລກ້າ ແລະ ຊ່ອງທາງອອນລາຍ Facebook, Tiktok, Website ຂອງ LocaLaos
- ສ້າງຜົນກະທົບຮ່ວມກັນ: ຮ່ວມເປັນສ່ວນໜຶ່ງຂອງຊຸຸມຊົນທີ່ມຸ້ງສ້າງຄວາມປ່ຽນແປງເພື່ອສັງຄົມ
ຮ່ວມສ້າງການປ່ຽນແປງໄປນຳກັນ
ຜ່ານໂຄງການ “Loca Donation” ໄດ້ສະແດງເຖິງພະລັງຂອງຄວາມປາຖະໜາດີຮ່ວມກັນໂດຍບໍ່ຫວັງຜົນຕອບແທນ ທຸກຄະແນນທີ່ແລກຄືກ້າວສຳຄັນໃນການສ້າງໂລກທີ່ດີກ່ວາ ແລະ ສະເໝີພາບຫຼາຍຂຶ້ນ
ເລີ່ມແລກຄະແນນຂອງທ່ານໃນມື້ນີ້ ແລະ ເປັນແຮງພັກດັນແຫ່ງການປ່ຽນແປງໃນສັງຄົມຮ່ວມກັນ
.
