ໂລກ້າ ເປີດໂຕສະຖານີສາກໃໝ່ ທີ່ ມາພ້ອມກັບລະບົບສາກລົດໄຟຟ້າ 240KW ສາກໄວພຽງ 10 ນາທີ ກໍເດີນທາງໄດ້ເຖິງ 240 ກິໂລແມັດ

ຫຼ້າສຸດ ບໍລິສັດ ໂລກ້າ ຈຳກັດ ທີ່ ສ້າງຂື້ນ ແລະ ບໍລິຫານດ້ວຍຄົນລາວ ແລະ ຍັງເປັນຜູ້ນໍາດ້ານການພັດທະນາສະຖານີສາກລົດໄຟຟ້າຢູ່ໃນປະເທດລາວ ໄດ້ເປີດໂຕຫົວສາກລົດໄຟຟ້າລຸ້ນໃໝ່ທີ່ມາກັບຄວາມແຮງ 240KW ເຊິ່ງຈະສາມາດສາກລົດໄຟຟ້າໄດ້ໄວ ແລະ ເຮັດໃຫ້ພ້ອມເດີນທາງໄດ້ເຖີງ 240 ກິໂລແມັດ ພຽງສາກລົດພາຍໃນເວລາພຽງແຕ່ 10 ນາທີເທົ່ານັ້ນ

ລະບົບສາກລົດໄຟຟ້າແບບໄວນີ້ ເປັນລະບົບໃໝ່ຫຼ້າສຸດ ທີ່ທາງ ບໍລິສັດ ໂລກ້າ ໄດ້ພັດທະນາຂຶ້ນມາ, ຖືວ່າເປັນຄັ້ງທໍາອິດທີ່ໄດ້ນໍາມາຕິດຕັ້ງຢູ່ໃນ ສປປ ລາວ. ບໍລິສັດ ໂລກ້າ ມີຈຸດປະສົງຢາກໃຫ້ຜູ້ໃຊ້ລົດໄຟຟ້າ ແລະ ຜູ້ທີ່ກໍາລັງຕັດສິນໃຈທີ່ຈະຫັນປ່ຽນໄປເປັນລົດໄຟຟ້າ ໄດ້ເຫັນເຖິງຄວາມສະດວກສະບາຍ ໃນການສາກລົດໄຟຟ້າໃນກໍລະນີທີ່ຕ້ອງເດີນທາງໄກແບບເລັ່ງດ່ວນ. ປັດຈຸບັນຕູ້ສາກດັ່ງກ່າວແມ່ນຕັ້ງຢູ່ທີ່ສະຖານີສາກ ອີ່ມສຸກ ຕັ້ງຢູ່ ບ້ານພະຂາວ, ເມືອງໄຊທານີ ກົງກັນຂ້າມກັບໂຮງຮຽນນານາຊາດ ອອສກ້າ.

ເຖິງຢ່າງໃດກໍຕາມ ການສາກລົດດ້ວຍຄວາມໄວສູງນັ້ນແມ່ນຂຶ້ນກັບແຮງຮອງຮັບຂອງປະເພດລຸ້ນຂອງລົດ ເຊິ່ງລົດທີ່ນໍາມາທົດລອງເບື້ອງຕົ້ນແມ່ນເຫັນໄດ້ວ່າ: ລົດ Xpeng G6 ສາມາດສາກໄດ້ 240 ກິໂລແມັດ ໃນເວລາພຽງ 10 ນາທີ, ແລະ ລົດ Hyudai IONIC 5 ສາກໄດ້ 150 KM ໃນເວລາ 10 ນາທີ.

ປັດຈຸບັນ ບໍລິສັດ ໂລກ້າ ມີຕູ້ສາກແຈກຢາຍຢູ່ທົ່ວປະເທດທັງໝົດ 25 ສະຖານີ ເລີ່ມຈາກຫຼວງພະບາງ-ແຂວງວຽງຈັນ-ນະຄອນຫຼວງວຽງຈັນ ແລະ ເສັ້ນທາງ 13 ໃຕ້ ຈົນເຖິງ ປາກເຊ. ເຊິ່ງໄດ້ວາງເປົ້າໝາຍ ແລະ ໄດ້ປະຕິບັດຕາມແຜນທີ່ຈະມີສະຖານີທັງໝົດ 40 ສະຖານີໃນທ້າຍປີ 2024 ນີ້. ບໍລິສັດ ໂລກ້າ ປັດຈຸບັນແມ່ນກໍາລັງເພີ່ມສະຖານີສາກຂຶ້ນໄປທາງພາກເໜືອ ໂດຍເບື້ອງຕົ້ນຈະເລີ່ມຕິດຕັ້ງຢູ່ທີ່ແຂວງ: ຊຽງຂວາງ, ຫົວພັນ, ອຸດົມໄຊ, ໄຊຍະບູລີ, ບໍ່ແກ້ວ, ແລະ ຫຼວງນໍ້າທາ.

 

ໝາຍເຫດ:

ການສາກລົດໄຟຟ້າດ້ວຍຕູ້ສາກຄວາມໄວສູງ ຈະບໍ່ສົ່ງຜົນກະທົບໃດໆຕໍ່ກັບແບັດເຕີຣີ ເນື່ອງຈາກລົດຈະເປັນຕົວກໍານົດກໍາລັງໄຟຟ້າທີ່ເໝາະກັບລົດ ດ້ວຍລະບົບອັດຕະໂນມັດ ເຮັດໃຫ້ແບັດເຕີຣີຂອງທ່ານບໍ່ຮ້ອນ. ເຊິ່ງລົດໄຟຟ້າສ່ວນໃຫຍ່ຈະໃຊ້ເວລາສາກຜ່ານຕູ້ສາກໄວພຽງແຕ່ 30 ນາທີ ເທົ່ານັ້ນ ເພື່ອໃຫ້ໄດ້ໄຟຟ້າຈາກ 10-80%

☑ ເບີ່ງຕໍາແໜ່ງຂອງສະຖານີຕູ້ສາກ
☑ ເບີ່ງສະຖານະຕູ້ສາກແບບ Online
☑ ກວດປະຫວັດການສາກຄືນໄດ້
☑ ສະແດງຜົນການສາກແບບ Real Time ຜ່ານມືຖື
📍 ດາວໂຫຼດແອັບເພື່ອໃຊ້ງານ:

 

Related Posts

ໂລກ້າພ້ອມແລ້ວ ໃນການຕິດຕັ້ງຕູ້ສາກລົດໄຟຟ້າແບບໄວ (20ນາທີເຕັມ) ທົ່ວປະເທດ!

ທ່ານເປັນຄົນໜຶ່ງບໍ່ ທີ່ກໍາລັງລັງເລໃນການຫັນປ່ຽນໄປໃຊ້ລົດໄຟຟ້າແທນລົດນໍ້າມັນ? ເນື່ອງຈາກປັດຈຸບັນນີ້, ລາຄານໍ້າມັນທີ່ເພີ່ມສູງຂຶ້ນເລື້ອຍໆ ແຕ່ທາງເຮົາເຊື່ອວ່າ ຫຼາຍຄົນກໍຍັງອາດຈະລັງເລເປັນກັງວົນຢ້ານບໍ່ມີບ່ອນສາກລົດໄຟຟ້າທີ່ພຽງພໍ. ຕໍ່ໄປນີ້, ທ່ານຈະບໍ່ຕ້ອງໄດ້ເປັນຫ່ວງແລ້ວ ເພາະໃນວັນທີ 1 ມີນາ ປີ 2022...

ໂລກ້າເລີ່ມຫັນປ່ຽນບໍລິການແທັກຊີຂອງຕົນໃຫ້ເປັນລົດໄຟຟ້າທັງໝົດ 100% ພາຍໃນປີ 2030 ພ້ອມຕິດຕັ້ງຕູ້ສາກລົດໄຟຟ້າເພື່ອຮອງຮັບ ໃຫ້ຄອບຄຸມທົ່ວປະເທດ

ກະແສການນຳໃຊ້ລົດໄຟຟ້າໃນປະເທດລາວແມ່ນນັບມື້ນັບສູງຂຶ້ນເນື່ອງມາຈາກປັດໄຈຫຼາຍໆຢ່າງທີ່ເກີດຂຶ້ນ ເຊິ່ງບໍລິສັດໂລກ້າພວກເຮົາກໍເຫັນເຖິງທ່າແຮງໂຕນີ້ເຊັ່ນກັນ ຈຶ່ງໄດ້ເລີ່ມທີ່ຈະມີນະໂຍບາຍໃນການເລີ່ມຫັນປ່ຽນບໍລິການແທັກຊີຂອງຕົນ ຈາກທີ່ແຕ່ເດີມນັ້ນ ລ້ວນແຕ່ເປັນລົດທີ່ໃຊ້ພະລັງງານນ້ຳມັນ ໃຫ້ກາຍມາເປັນລົດໄຟຟ້າທີ່ໃຫ້ບໍລິການແທັກຊີໂລກ້າທຸກໆຄັນ ໂດຍຕັ້ງເປົ້າໝາຍທີ່ຈະບັນລຸຄວາມສຳເລັດນີ້ໃຫ້ໄດ້ພາຍໃນປີ 2030.   ການນຳໃຊ້ລົດໄຟຟ້ານັ້ນ, ນອກຈາກຈະຊ່ວຍປະຢັດຕົ້ນທຶນໃຫ້ແກ່ຄົນຂັບໂລກ້າ ເພາະລາຄາສາກໄຟລົດທີ່ຖືກກວ່າຄ່າເຕີມນ້ຳມັນແລ້ວ ການນຳໃຊ້ລົດໄຟຟ້າຍັງສາມາດຫຼຸດຜ່ອນການເຜົາໄໝ້ນ້ຳມັນ...