ໂລກ້າ ສົ່ງຕໍ່ຂອງຂັວນສຸດພິເສດຈາກ ມິນີໂຣ ໃຫ້ແກ່ຜູ້ໃຊ້ບໍລິການໂລກ້າແທັກຊີອອນລາຍ ແຈກນ້ຳດື່ມແຮ່ທາດມິນີໂຣ ຟຣີ! ທີ່ ນະຄອນຫຼວງວຽງຈັນ ແລະ ຫຼວງພະບາງ

 

ໂລກ້າ ແລະ ມິນີໂຣ ໄດ້ຮ່ວມຈັບມືກັນສ້າງກິດຈະກຳດີໆແຈກນ້ຳດື່ມແຮ່ທາດມິນີໂຣ ເພື່ອມອບໃຫ້ແກ່ຜູ້ໃຊ້ບໍລິການ ໂລກ້າແທັກຊີ  ໄດ້ພົບກັບປະສົບການທີ່ດີທີ່ມີແຕ່ຄວາມຊົດຊື່ນຈາກມິນີໂຣ. ກິດຈະກຳໄດ້ເລີ່ມຕັ້ງແຕ່ ເດືອນຕຸລາ ຈົນຮອດ ເດືອນທັນວາ 2023.

ເຊິ່ງມີຄົນຂັບໂລກ້າ ໄດ້ເຂົ້າຮ່ວມກິດຈະກຳລວມເຖີງ 25 ຄັນ ທີ່ ນະຄອນຫຼວງວຽງຈັນ ເຖີງ 20 ຄັນ(ລົດໄຟຟ້າ) ແລະ ຫຼວງພະບາງ ອີກ 5 ຄັນ.

ມິນີໂຣ ມີຈຸດປະສົງຢາກແບ່ງປັນນ້ຳທີ່ດີທີ່ສຸດທີ່ເປັນຂອງຂັວນຈາກທຳມະຊາດ ຈາກແຫຼ່ງນ້ຳພູພຶງ ຫຼວງພະບາງ ໃຫ້ກັບທຸກທ່ານ ດ້ວຍຄວາມໂດດເດັ່ນທາງດ້ານຄຸນປະໂຫຍດ ອຸດົມໄປດ້ວຍແຮ່ທາດທຳມະຊາດຫລາຍຊະນິດ ພ້ອມກັບຄ່າ pH7 ທີ່ຊ່ວຍປັບສົມດຸນ ແລະ ເສີມພູມຄຸ້ມກັນໃຫ້ກັບຮ່າງກາຍ.​

 

ກິດຈະກຳ ໃນເດືອນ ຕຸລາ 2023 ທີ່ຜ່ານມາ, ໂລກ້າ ແລະ ມິນີໂຣ ໄດ້ແຈກນ້ຳດື່ມແຮ່ທາດມິນີໂຣໃຫ້ຜູ້ໃຊ້ບໍລິການໂລກ້າແທັກຊີຢ່າງຕໍ່ເນື່ອງ ພົບວ່າໄດ້ຮັບຄວາມສົນໃຈຈາກລູກຄ້າເປັນຈຳນວນຫຼາຍ ທັງຜູ້ໃຊ້ບໍລິການທີ່ເປັນຄົນພື້ນທີ່ເອງ ແລະ ນັກທ່ອງທ່ຽວທີ່ໄດ້ເຂົ້າມາທ່ຽວໃນລາວ ພ້ອມກັບໄດ້ຮັບຄວາມປະທັບໃຈຈາກບໍລິການທີ່ດີຂອງໂລກ້າ ແລະ ຂອງຂັວນສຸດພິເສດຈາກມິນີໂຣນີ້.

ຂໍຂອບໃຈ ທີ່ເຊື່ອໝັ້ນໄວ້ວາງໃຈ ໃຫ້ໂລກ້າ ແລະ ມິນີໂຣ ໄດ້ດູແລທ່ານໃນການເດີນທາງສຸດພິເສດນີ້.

 

Related Posts

5 Processes LOCA takes to select the driver for the best service standard and your safety

Many customers may be wondering how the Loca has a standard and procedure...