ໂລກ້າພາໄປ – 5 ຮ້ານເດັດຊົມວິວທ້ອງຟ້າ ວິວງາມບັນຍາກາດດີທີ່ຕ້ອງລອງ!

ໂລກ້າພາໄປ! ຮ້ານທີ່ມີວິວດາດຟ້າ ບັນຍາກາດຕາເວັນຕົກດິນ ຖ້າທ່ານຍັງບໍ່ໄດ້ລອງ 5ຮ້ານນີ້ບໍ່ຄວນພາດ!

 

1. Tipsy Elephant

ຢາກຊວນມາດິນເນີ້ ແລະ ຊິວເທິງດາດຟ້າຊັ້ນ 9 ຮ້ານ Tipsy Elephant ທີ່ຢູ່ເທິງໂຮງແຮມ SureStay ເປັນອີກຮ້ານ Rooftop ໃຈກາງເມືອງທີ່ຢາກແນະນຳ. ນອກຈາກໄດ້ເຫັນວິວເມືອງແລ້ວ ຍັງສາມາດແນມເຫັນວິວນ້ຳຂອງໄດ້ອີກ ທັງໂຣແມນຕິກ ແລະ ບັນຍາກາດດີສຸດໆ. ຮ້ານນີ້ມີທັງອາຫານຕາເວັນຕົກ ແລະ ອາຫານລາວ, ວາຍກໍມີ, ຄ໋ອກເທວກໍມີຄົບ. ແນະນຳໃຫ້ມາຊ່ວງ 5 – 6 ໂມງແລງເພື່ອເບິ່ງຕາເວັນຕົກດິນ ແລະ ທ້ອງຟ້າງາມໆ.

ສະຖານທີ່: ໂຮງແຮມຊົວສະເຕ, ແຄມຂອງ.

ໂລເຄຊັ້ນຮ້ານ: https://goo.gl/maps/PDWDmZeDLjYWSzF99

ເວລາ: ວັນຈັນ – ວັນອາທິດ, 17:00 – 24:00.

ເບີຕິດຕໍ່: 021 243 999.

 

2. House 38

ຖ້າທ່ານກຳລັງຊອກຫາບ່ອນນັ່ງກິນຊິວທີ່ອົບອຸ່ນ ແລະ ຊິວ, ຕ້ອງມາແວ່ທີ່ House 38. ຮ້ານອາຫານທີ່ສົມບູນແບບ, ບັນຍາກາດພິເສດ, ມີຫຼາຍໂຊນທັງໃນຮ້ານ ແລະ ກາງແຈ້ງ, ເຂດທີ່ແນະນຳແມ່ນໂຊນລະບຽງທີ່ໃຫ້ທ່ານສາມາດຊົມວິວຕາເວັນຕົກດິນໄດ້ຕອນແລງ. ອາຫານແມ່ນອາຫານທີ່ປະສົມປະສານລະຫວ່າງເອເຊຍ ແລະ ຕາເວັນຕົກທີ່ມີລົດຊາດທີ່ສົມບູນແບບ ແລະສ່ວນທີ່ເຂົ້າກັນໄດ້ດີກັບຄັອກເທວສຸດພິເສດ.

ສະຖານທີ່: ບ້ານດອນນົກຂຸ້ມ, ເມືອງສີສັດຕະນາກ, ນະຄອນຫຼວງວຽງຈັນ.

ເວລາ: ວັນຈັນ – ວັນພະຫັດ, 11:30 – 22:00; ສຸກ – ອາທິດ 11:30 – 23:00.

ໂລເຄຊັ້ນຮ້ານ: https://goo.gl/maps/M5hyc7yN9X16Cpp59

ເບີໂທຕິດຕໍ່: +856 20 5296 7423.

 

3. Luminar Rooftop Bar

ນັ່ງຊິວພ້ອມບັນຍາກາດດີໆ, ຮັບລົມໜາວຍາມແລງ, ພ້ອມດື່ມຈິບເບົາໆກິນລົມຊົມວິວ.

Rooftop ໃຈກາງເມືອງ, ຮ້ານຕົກແຕ່ງສະຕາຍ Modern ແສງສີສວຍງາມ, ພ້ອມເສີບອາຫານ, ເຄື່ຶອງດື່ມສຸດພິເສດຂອງຮ້ານ. ສຽງດົນຕີທີ່ທາງຮ້ານເປີດແມ່ນແບບ House ທີ່ຟັງເພີນໆເຂົ້າກັບບັນຍາກາດສຸດຊິວ ຖືເປັນອີກຮ້ານທີ່ເຮົາຢາກແນະນຳ ເໝາະກັບການໄປຖ່າຍຮູບ Check In ພ້ອມພາບບັນຍາກາດເຖິງດາດຟ້າ.

ສະຖານທີ່: ສີແຍກສີຫອມ, ຂ້າງວັດອິນແປງ.

ໂລເຄຊັ້ນຮ້ານ: https://goo.gl/maps/ZBRMtNoQc2mnFmkQ8

ເວລາ: ວັນອັງຄານ – ວັນອາທິດ, 17:00 – 24:00.

ໂທລະສັບ: +856 20 59 916 668.

 

4. Go To The Moon Rooftop

ບ່ອນນັ່ງຊິວ ວິວດີ ຈິບເຄື່ອງດື່ມເບົາໆ, ບັນຍາກາດດີແຮງຮັບຊົມຕາເວັນຕົກດິນສຸດແສນພິເສດ ທີ່ຮ້ານ Go To The Moon. ດິນເນີ້ສຸດຫຼູພ້ອມອາຫານ ກັບ ເຄື່ອງດື່ມສຸດເລີດ, ຖືເປັນອີກຮ້ານໜື່ງທີ່ເປັນຮ້ານ Rooftop ໃນກາງເມືອງທີ່ຕ້ອງໄດ້ລອງບອກເລີຍ. ແນະນໍາວ່າຮ້ານນີ້ຖ່າຍຮູບກັບວິວບັນຍາກາດແມ່ນຄືດີແຮງ ກັບ ພາບບັນຍາກາດຕາເວັນຕົກດິນເປັນວິວທຳມະຊາດທີ່ຫ້າມພາດ.

ສະຖານທີ່: ຮ່ອມໂບດນາຄໍາ, ທີ່ຮ້ານ Musso ຊັ້ນ 9.

ໂລເຄຊັ້ນຮ້ານ: https://goo.gl/maps/HhLeWgJ2RSizy1JH8

ເວລາ: ເປີດທຸກວັນ, 17:30 – 22:30 ໂມງ.

ເບີໂທຕິດຕໍ່: +856 20 9777 6548.

 

5. 7th Heaven by Burasari

ປັກມຸດໄວ້ເລີຍ, ຮ້ານດິນເນີ້ສຸດຫຼູ ເທິງດາດຟ້າໃຈກາງເມືອງ ພ້ອມບັນຍາກາດສາຍລົມພັດເບົາໆ ວິວແຄມຝັ່ງນໍ້າຂອງ. ຮ້ານ 7th Heaven ຢາກຂຶ້ນສະຫວັນຊັ້ນ 7 ແທ້ຕ້ອງແມ່ນຮ້ານນີ້ເລີຍ!! ວິວດີ ພ້ອມຮັບປະທານເມນູສຸດພິເສດຂອງຮ້ານ ຕ້ອງບອກວ່າເລີດແທ້ ເໝາະສຸດກັບວາລະໂອກາດດີໆ ເປັນອີກຮ້ານໜຶ່ງທີ່ຕ້ອງໄດ້ໄປ Check In ເລີຍ.

ສະຖານທີ່: ຖະໜົນເລກທີ 160 ເຈົ້າຟ້າງຸ່ມ, ບ້ານ ສີຖານເໜືອ, ເມືອງສີໂຄດຕະບອງ.

ໂລເຄຊັ້ນຮ້ານ: https://goo.gl/maps/Gvtfq19ynCxZ1RxS9

ເວລາ: ເປີດທຸກວັນ 17:00 – 23:30 ໂມງ.

ເບີໂທຕິດຕໍ່: 021 253 800.

Related Posts

The top Hospital and Veterinary LOCA customers choose

If you are overseas visitors and need healthcare while you live in Vientiane,...

ວິທີເອີ້ນລົດ ແທັກອອນລາຍ (TAXI ONLINE) ຜ່ານແອັບຯ LOCA ເພື່ອໄປຮັບ ໄປສົ່ງແບບງ່າຍໆ ໃຜໆກໍ່ເຮັດໄດ້

ຫຼາຍຄົນອາດຈະເຫັນບໍລິການ LOCA ຜ່ານໆຕາມາແລ້ວຫລາຍເທື່ອ ຫລາຍຄົນກໍ່ຍັງລັງເລທີ່ຈະລອງໃຊ້ບໍລິການນີ້ ສໍາລັບຄົນທີ່ຢາກລອງໃຊ້ບໍລິການ LOCA ເພື່ອເອີ້ນລົດຮັບສົ່ງ ຫລື ລົດແທັກຊີ ກໍ່ຍັງບໍ່ແນ່ໃຈວ່າຈະເລີ່ມຕົ້ນແນວໃດ ໃຊ້ງານແນວໃດ ສະນັ້ນ ມື້ນີ້ທີມງານ...